إنتظروا جديد زمان الصمت

إنتظروا مقالي القادم .. 

"كفى إستخفاف بعقول الغير"

مقال حول صراع الأفكار و الخبرات بين الأجيال السابقه

و الحاليه 

أتمنى أن ينال إعجابكم :)

أميره بركات

التاريخ كما يصح أن يكتب

مرت فتره طويله و أنا أحاول عبثا كتابه هذا المقال .. بدأت بكتابته في وحي خيالي منذ فتره و ها أنا أسطره الآن .. فالنشكر الرب :)!

منذ فجر 25 يناير و أنا على علم شديد بأن ذلك اليوم لن يكن عادي .. و لن يمر الموضوع كما حدث يوم 6 أبريل 2008 .. أو حتى وقفات و مظاهرات خالد سعيد او كفايه.. ليس تقليلا من أهميه كل من هذه الأحداث .. ولكنني لمست حماس و جرأه و صلابه لم أشهدها من قبل حتى في أعين أصدقائي المقربين دائمي المشاركه في تلك الأحداث .. 

و فعلا بدأ يوم 25 يناير بتوزيع الورود على ضباط الشرطه و العساكر .. و التوجه من كل حدب و صواب للقاء التاريخي في الميدان الساعه الثانيه مساء يوم 25 يناير .. و من ثم هتافات "سلميه .. سلميه" ,"عيش .. حريه .. عداله إجتماعيه" !

و منذ تلك اللحظه بدأت في فتح أوراقي و بدأت في الكتابه .. و أنا أحاول أن لا أغادر صغيره أو كبيره .. كي لا أصبح شاهد زور على تاريخ عاصرته بعد أن ينال مني فقدان الذاكره .. أو حتى غسيل المخ الدائم!!

أتعرف .. لم أكن مخطأه فى تلك اللحظه .. لأنني كنت أعرف جيدا أن التاريخ في مصر يكتب ألف مره و مره .. فمره أثناء الحكم تمجيدا له.. و مره بعد زوال ذلك الحكم لكشف المستور .. و مره عند ظهور حكم جديد أفضل لوضع القديم في المقارنه معه .. و مره عند ظهور حكم أسؤ لمحي أفضل ما في من مضوا ..إلخ 

و كأن التاريخ قصه في يد بعض المؤرخين المقيمين في بلاط الملك "أو الرئيس" يتلاعب كل منهم به كما يحلوا لهم !!!! 

و ما توقعته حدث بالفعل .. فمن بعد الثوره و أنا أرى مهازل تضاف للتاريخ "بالعافيه" .. فمنها على سبيل المثال لا الحصر :

**أن الإخوان المسلمين على إقتناع تام أنهم كانوا من أوائل من شاركوا في 25 يناير .. مع العلم أنهم رفضوا الدعوه للمشاركه في 25 يناير .. و أعلنوا ذلك بأسم الجماعه 

و لكن لن أنكر أنهم نزلوا مثلما نزل معظم من شارك في الثوره بعدما تفاقمت الأواضاع و بدأت ملامح الثوره في الظهور !

**أن أيمن نور من أوائل من نزلوا الميدان و استمر هناك .. 

رغم ان إبنه كان على العربيه يوم 25 يدلوا بأن أيمن نور في حاله صحيه متدهوره و تم نقله للمستشفى .. "و مش برصاص مطاطي ولا بغاز مسيل للدموع .. ده السكر اللي مبيجيلوش غير بمزاجه"

**أن حسني مبارك الرئيس السابق و ليس المخلوع .. 

"طيب بالنسبه للثوره .. كان الشعب طهقان من المذاكره قالوا يفكو رجليهم شويه و إتقابلوا صدفه في الميدان"؟!؟!

**الثوره هي من أفرزت البلطجيه ..

"ثانيه واحده .. الثوار لم يكفوا عن الهتاف ب"سلميه .. سلميه" و الداخليه هي اللي فتحت السجون و المعتقلات يوم 28 و كان قصادي أنا شخصيا عربيات الأمن المركزي فجأه كل العساكر بيركبوا فيها و العربيات ماشيه عكس سير المظاهره .. الثوره برضه اللي طلعت البلطجيه؟؟"

**أن الجيش هو من عبر بمصر لبر الأمان و الإستقرار و هو سبب نجاح الثوره 

"نفصص الكلام ده .. أولا بعيدا عن رأي كل الناس أنا شايفه إن الجيش عكها جيدا لما فرض حظر التجول .. و ده من وجهت نظري فاقم الموضوع .. بدل ما الناس رايحه جايه في الشوارع و عنيهم على كل حاجه .. لأ كله في بيته من 7 مساءا .. مع العلم إن في بلطجيه مطلوقين .. يعني معادله مأسويه .. الحرامي مطلوق و الشريف في البيت .. يعني أي ATM أو عربيه أو محل معرضين للسرقه بشكل مش طبيعي .. و ده اللي فعلا حصل ده غير إنك لو مسافر و الدنيا ضلمت عليك .. بقيت لوحدك في الصحرا لأن دخل وقت الحظر يعني فرصه طلوع قطاع طريق عليك تضاعفت !!.. بالتالي  إذا كان في حد قام بحمايه البلد دي فكانت اللجان الشعبيه .. اللي هما الشعب !

أما بالنسبه إنه سبب نجاح الثوره .. فا دي جمله رايحه في داهيه و تصحيحها .. إن الشعب هو سبب نجاح الثوره ولا ننسى دور الجيش في تكليل ذلك النجاح !! .. و ده مش نقد لمجرد التسفيه من دور الجيش .. لكن أنا بس بقارن .. سنه 52 قلنا الجيش هو السبب الرئيسي في نجاح الثوره أو بالمعنى أصح الإنقلاب العسكري .. من ثم الشعب كلل ذلك النجاح و سار على خطى تلك الثوره بخطوات ثابته واثقه .. أما الآن فالوضع مختلف تماما !"

و غير تلك التناقضات هناك الكثير و الكثير لم يسعفني عقلي في إستحضارهم .. و من الأساس لم يكن هذا المقال لسرد التناقضات و لكن لحث كل مواطن مصري عاصر أحداث 25 يناير إلى 11-02-2011 بل و إلى الآن على أن لا يحول بينه و بين قلمه سوى العجز عن الكتابه و لأسباب صحيه .. لأننا لن نسمح لتاريخنا أن يصبح سيناريو لمسلسل الجزء الأول منه كان الثوره و الجزء الثاني من سيحكمنا و على أساس الجزء الثاني سيتحدد مصير الجزء الأول .. 

و لأننا لن نسمح بتكرار مهزله ما درسناه من تاريخ في المدارس الذي صدمت عندما قرأته مره أخرى من مصادر غير "كتاب المدرسه"

ما المعضله أن نقول أن رئيسنا الراحل جمال عبد الناصر قتل مسموم ؟! و أن أنور السدات له يد في ذلك .. و أن أنور السادات مات مقتول على يد الإسلامبولي و أربعه آخرون ساهم مبارك معهم في ذلك بالتعاون أيضا مع أبو غزاله و أكبر دليل على ذلك أنه لم يكلف نفسه حتى إقاله أبو غزاله بوصفه وزير الدفاع و قائد عام للقوات المسلحه و المسؤال الأول عن مقتل السادات أثناء العرض العسكري .. 

و أن حسني مبارك هو الرئيس المخلوع و ليس بالسابق و.. و ..إلخ

ما أقصد أن أقوله هو أن ثورتنا تسرق منا بدايتا بتزييف التاريخ .. لذا .. أبدأ بنفسك .. و ساهم في الحفاظ على تاريخنا الذي صنعناه من قلب الميدان .. فلن نشتري كتب تسرد لنا تاريخنا الحديث بعد اليوم .. فسنملأ مذكراتنا و نورثها لأبنائنا كتبا يقرأون فيها الحقيقه كما لو كانوا معاصرين لها   

أميره بركات

مشهد رأسي من ميدان التحرير

كلمات قصيدة "مشهد رأسي" من ميدان التحرير للشاعر هشام الجخ
من أجمل ما كتب الجخ
"مشهد رأسي" من ميدان التحرير
خبـئ قصائدك القديمة كلها .مــزق دفاتيرك القديمة كلها و اكتب لمصر اليوم شعراً مثلها
خبـئ قصائدك القديمة كلها .مــزق دفاتيرك القديمة كلها و اكتب لمصر اليوم شعراً مثلها
لا صمت بعد اليوم يفرض خـوفه و اكتب سلام النيل مصر و اهلها
عيناك عيناك اجمل طفلتين تقرران بان هذا الخـوف ماض و انتهي
كانت تداعـبنا الشوارع بالبـرودة و الصــقيع و لم نفسر وقتها
كنا ندفئ بعضنا في بعضنا و نراك تبتسمين ننسي بردها
و اذا غضبتي كشفت عن وجهها و حياءنا يأبي ان يدلس وجهها
لا تتركيهم يخبرونك بانني .متــمرد .خـان الامـانة او سهي
لا تتركيهم يخبرونك بانني اصبحت شيئا تافــهاً و موجه
فانا ابن بطنك و ابن بطنك من اراد و من .اقـال و من اقر و من نهي
صمتت فلول الخائــفين. بجـبنهـم. و جموع من عشقوكي قالت قولها

الكلمه ...

الكلمه ...

ممكن تشوفوا إن ديه أغنيه لمحمد منير و ده فعلا .. أول ثلاثه أبيات لمنير و بعدهم  ثلاثه لأمنيه ثم أربعه ليا و ما إلى ذلك بالتتابع في حصه الكمياء =)

الكلمه إيد الكلمه رجل الكلمه باب

الكلمه نجمه كهربيه في الضباب 

الكلمه كبري صلب فوق بحر العباب

=-=-=-=

أمنيه: الكلمه ترفع فوق طيات السحاب

الكلمه تجعل فرد يطاطي

تحت اقدام الكـــلاب

=-=-=-=-

 أميره: الكلمه زي الصخر..مهياش تراب

الكلمه هي مقر.. اللي ملوش مآب

الكلمه لغز كبير .. لغز مثير للإعجاب

الكلمه كانت سبب في تجميع الأحباب

=-=-=-=-

  أمنيه:الكلمه عطر الأحبه.. كلمه أغاني و أنطراب

بالكلمه ممكن ننافق ..و نزود غواثي الضباب

بالكلمه الخير يعم الجميع و بكل إنسياب

=-=-=-=-=

أميره:بالكلمه نلبس دهب.. أو يملانا الهباب

الكلمه عقد الفل ..هديه من الكتـَــاب

الكلمه تخلق حقايق من السراب

=-=-=-=-

أمنيه:كلمه الحب تفرح ..و ترجع كل اللي غاب

كلمه الحزن بتوجع ..و تدمع عيون الأصحاب

و ترجع الماضي الأليم.. و تخلي الإنسان يهاب

=-=-=--=

أميره:الكلمه بتسأل وتستفسر.. و مين أجاب؟؟

جاوب القلم و قال.. أنا مصلح الوطن من الخراب

الكلمه بكتبها ضد الظلم ..و أصحاب الأحزاب

دي الكلمه توحد الأمه ..و تذلل لها الصعاب

=-=-=-=-

أميره و أمنيه:

كلمتنا في حب الوطن ..في قلوبنا مفيهاش إنسحاب

كلمتنا وقت السكوت بتطلع ..ويقل ويزول العتاب

--

بنحبك يامصر و الظالم أجره يوم الحساب

مش راح نسيبك تهلكي في النار و العذاب

=-=-=-=

إتكلموا ..إتكلموا ..إتكلموا

حكايه مسجون

12 مارس, 2009

رحنا لقينا الباب مقفول

رحنا نشوف إنسان مغلول

من البيت على المعتقل منقول

بصينا من القضبان كأنه مشلول

سألناه إيه السبب عشان نلاقي حلول

قالنا حرام الواحد يكون ليه ميول!!

قالنا أنا كنت بعضلاتي مفتول

قالنا أنا كنت مغرور

و كله كان بيحبني عشان أنا مشهور

إلا واحد قالي انت زي المقتول

بتفتخر بشهرتك و بلدك مش لاقيه الفول

يا اخي أنت حاسس إنك مسرور

و حتى بيت ربنا مش بتزور

عارفين إيه حصل فيا

حسيت الدنيا لفت بيا

والناس إختفوا من حوليا

و الدنيا بقت ضلما عليا

أنا في حلم ولا الدنيا كده هي؟؟

قلت لازم أخلي صوت ليا

قلت لازم أحرر الإنسانيه

من قيود مفروضه عليهم و عليا

قلت أحارب العبوديه

و نويت و كنت صافي النيه

قلت لأصحابي العزيزين عليا

لازم نفكر في النقطه ديه

لقيتهم فجأه غدروا بيا

و خبوا همومهم عليهم و عليا

و بلغوا عني و عن الفكره ديه

تاني يوم جم ناس لا أعرفهم وبيعرفوني

جم مسكوني و كبلوني

و على البوكس شالوني و حطوني

وجوه السجن ده رموني

و يا عدد التهم اللي فيها لبسوني

لقيت أصحابي معاهم بيخونوني

قلتلهم بقوه .. سيبوني

خلوني أقول كلامي خلوني

لقيت محامي ليا من غير ما يعرفوني

بدل ما يدافع عني ..بيشعلل جنوني

و على طول على مستشفى المجانين جرجروني

حبيت أعرف نفسي للمجانين

و أنا فاكر إنهم مش فاهمين

حكيت حكايتي ..لقيت ملايين

قالولي إحنا زيك يا مسكين

إحنا كلنا عاقلين

بس لو بنفكر في مصلحه البني آدمين

بقينا مساجين

و جينا على مستشفى المجانين

عشان كنا عاوزين نساعد المحرومين

ورجعت تاني و بقيت مسجون

و الناس كرهوني و قالوا مجنون

أدي حكايتي و كل ما فيها

إنسان بسيط عايش فيها

دنيا غداره و الحقد ماليها

واللي يفكر في مصلحتها

ترميه تحت رجليها

و الناس اللي عايشين فيها

جايبين عاليها واطيها

سبناه و الدموع نازله من عنينا

على الدنيا واللي عملتوا فينا

و نقول الله يسامح اللي غدر بينا

وضيَع شبابنا من إيدينا

و بيحكمها ناس بيقولوا قلبهم علينا

خلينا عايشين فيها خلينا

لحد ما نبقى كلنا مساجين

والناس يقولوا علينا مساكين

عشان مصلحه بلدنا حابين

نضحي بكل حاجه و مستعدين

نعيش فيها محرومين

لو كان ده يحرر مساجين

كانوا على مصلحتها خايفين

أنتو عارفين إحنا مين؟؟

إحنا العرب المصريين

بنحبس كل اللي بمصلحه بلدنا مهتمين

و نقول عليهم مستهترين

و على الحال ده مش هنفضل عايشين

هييجي اللي يحرر مصر من المجرمين

و نعيش في بلدنا. . بلد كل المصريين

إحنا دوله وسطيه ..إحنا دوله ديمقراطيه

إحنا دوله وسطيه

إحنا دوله ديمقراطيه

كتر أوي لعبك معانا

يا رئاسه يا شقيه

نلعب صلح على قفانا

نلعب عسكر و حراميه

إحنا دوله وسطيه

إحنا دوله ديمقراطيه

حتى العيش مش مستوانا

الزلط ده علينا شويه

حتى السم في هوانا

و النيل مبقاش فيه ميّه

إحنا دوله وسطيه

إحنا دوله ديمقراطيه

و محدش من الضر حمانا

و معندناش زيت للقليه

و الموت بيشوفه ضنانا

بس الكلاب هي الوفيه

إحنا دوله وسطيه

إحنا دوله ديمقراطيه

كله كلام في الهجايص

بس احلنا عيشه هنيه

و الفقر و الغلب لايص

بعيون و قلوب راضيه

إحنا دوله وسطيه

إحنا دوله ديمقراطيه

يا رئاسه مدتك طالت

و إنتي على شعبك بغيه

و كفوف الناس ليكي مالت

أرحمي شعبك شويه

إحنا دوله وسطيه

إحنا دوله ديمقراطيه

ولا أقولك يا رئاسه

انا بحبك و أنتي عارفه

الحب ده بالوراثه

و من قلوب الشعب غارقه

يا رئاسه الجمهوريه

أنتي كلك إنسانيه

انتي مش المفتريه

ده أنتي صعبانه عليا

بكره هاجي ليكي بكره

و أستلم منك الهديه

ما أنا بمدح فيكي أهو

و لازم آخد جايزه ليا

مسكيني رئيس وزاره

أو محافظ اسكندريه

أو ممكن أدير بنوكك

و أحط في جيوبي المهيه

واحده واحده ياجماعه

أدواركم كلها جايه

و بعدين اللي بعدي يجي

يمدح في الحكومه شويه

و آخر كلمه هي ديه

يا رئاسه الجمهوريه

ألفين سلام ليكي و تحيه

19 فبراير, 2009

مين اللي بيلعب على مين

مين اللي بيلعب على مين

مين اللي بيلعب على مين

الحدوته من أيام و سنين

يلا نبدأ ماإحنا كده كده رايحين

و متسألوش رايحين على فين

المهم إننا كده مش راجعين

إنتوا خفتوا ليه

عاملين نفسكم مجانين!!

و بأحوال بلدكم مش شايفين؟؟

و بمشكلنا مش حاسين ؟؟

و ببلاوينا مش داريين ؟؟

عندهم حق المالكين أصوات الملايين

يكملوا في الظلم و التفانين

عشان كل ما نقول يلا يا مصريين

اللي يخاف واللي يكش واللي مايحصل ميلامين

و فالآخر يفضل الحال على حاله

و الدنيا تبقى فاضيه و ريقاله

و بعدين نقول:إيه ده هو فاكر المال ماله؟؟

ساعتها هقول أه..

ما أنتو اللي سبتوها تحلاله

فيبقى المال ماله و هيفضل المال حلاله

و مش هيفوق ولو خسر عياله

المال عماه و مبقاش غيره كل آماله

و كمان يامحلاكم و إنتم مبتسمين قدامه

و هو فاكر إن الإبتسامه ديه عشان"جماله"؟

و الشخص اللي يجي يقوله هو ماله

و يحكيله على حاله و محتاله

يسجنه و يخليه عبره لأمثاله

مهو عايزه يبقى واحد من كتامه

كتامه اللي هما اساسا مش خارسين

دول عارفين و مطنشين

وعاملين فيها مخلصين

و هما لا مخلصين ولا محترمين

و نقدر نقول هما دول الحاشيه المفتريين

اللي بينفذوا أوامر المسكين

اللي مصدقهم و مكذب الملايين

اللي هما اساسا ساكتين

و على مصالحهم خايفين

يدوب يدعي واحد منهم

و يقول الباقي أميييين

بس هما بردو خايفيين

عشان كده هيفضل الفقير فقير

والأغنيه الملاعين مقضينها و عايشيين

عايشين فارحانين و مظأطاطين

و لاعمرنا هنعيش صافين و آمنين

و هنفضل كده ضايعين

سنيين و سنيين و سنيين

و لكن ...

كل ذلك إلى حين...